Կիթառով տղամարդիկ կանանց համար ավելի գրավիչ են

Ֆրանսիական գիտնականները հիմնավորել են կանանց համար կիթառով տղամարդկանց գրավչությունը:

Sage Publication-ի փոխանցմամբ, Հարավային Բրետանի համալսարանի մասնագետների հետազոտությանը մասնակցել են 18-22 տարեկան 300 աղջիկ եւ գրավիչ արտաքինով 20-ամյա մի տղամարդ: Նա փողոցում մոտեցել է աղջիկներին եւ խնդրել նրանց հեռախոսահամարը: Նախ տղամարդու ձեռքին կիթառ է եղել, հետո՝ սպորտային պայուսակ, իսկ վերջում արդեն նա ծանոթացել է դատարկ ձեռքերով: Պարզվել է, որ տղամարդը կիթառով ստացել է աղջիկների 31%-ի, դատարկ ձեռքերով՝ 14%-ի, իսկ սպորտային պայուսակով՝ 9%-ի հեռախոսահամարը: 

Հետազոտության արդյունքում գիտնականները եկել են եզրակացության, որ երաժշտական գործիք նվագելու ունակությունը կարող է ցույց տալ մարդու մտավոր եւ ֆիզիկական զարգացումը: Բացի այդ, առաջ է քաշվել ենթադրություն, որ երաժշտական ունակությունները կապված են տեստոստերոնի մակարդակի հետ:

Հարցեր, պատասխաններ, մեկնաբանություններ